من عرفت القاف والمعنى صريح
النوايا درب والخطوة سماح

يا قصيدي خابرك جزل ونصيح
لا تروم اللي مشاربها ضحاح

خطت الجـرّه و قرب للمطيــح
الخزز هالحين في وضع انبطاح

لو يطول بالمشي لازم تطيــح
ولا قصدت بهالحديث الا المزاح

عذرا هناك خطا بالقافية

لو زبد سيله تراكم له طفيح
الرمه لا سال ما يدخل نساح

والعتب من شرهة الغالي يطيح
الليالي سود والصبح الرباح

الضمير العالمي أصبح قبيـح
كل هم الغرب تصدير السلاح

لو يموت العود والعذرا تصيح
ما عليهم يلعبون عظيم ضـاح

لا تــعــــذر بـاللـيالي يـالـفـصـيح
اتــرك الــرمـه بحـالــه والصباح

واضـبـط الـقيفان دامـك مستريح
والا ارقب واستمع شوف الكفاح

دام ابو سلطان عندي مستريح
ياهلا مليون يا أجمل صبــاح