شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   شرهة .......شاعر (https://www.albrari.com/vb/showthread.php?t=90185)

عبدالمحسن الرحمه 2018-04-18 02:59 PM

شرهة .......شاعر
 
بسم الله الرحمن الرحيم

السلام عليكم ورحمة الله وبركاته
إدارة وامشرفين واخواني الشعراء الموقرين
امس طرت لي فكره من الشعر يوم نويت
اكتب على هذي الفكره ابيات طار 😡 كل شي
واجلس يوم كامل ابي شي من الشعر قال
ماحولك احد توكل على الله😭 مير اعصب
وتشرهة عليه في هذي القصيدة
،
،

ياليت من يكتب من الشعر بيتين
كلما نويت الشعر ضاعت حروفه
ارجيه رجوى ...من رجاله وراعين
اسنين ماخلَّف ...وشانت ظروفه
اشره على صده ....ولاهي تكفين
صارت قوافيهم .......علينا كلوفه
كلما رجيته قال .....بكرا وبعدين
ولا يهددني .........بسلت سيوفه
أول غيابه ما يجي ....حدَّ يومين
وليا حظر جاب الطروق امعزوفه
البَّسه تاج .....الفخر والسلاطين
كله علشانه ولا .......هو حسوفه
أضيّفه ضِيفة .....قروم الشيابين
افعالهم تشهد .......لهم ومعروفه
بيني وبين الشعر ..ولف المحبين
جزايله في شعرهم .....ما تطوفه
لبيه ياوقتٍ معه .......فايق الزين
يوم النوادر .........مالياتٍ رفوفه
اقرى وانمي هاجسي بالدواوين
فيهن جزالة شعر يصعب وصوفه

الركام 2018-04-18 03:09 PM

صح لسانك ياابو مالك
ابيات جميلة ومعبرة

بقآيآ .. حرف 2018-04-19 11:29 AM

صح لسانك شاعرنا الجزل
لا عدمنا تواجدك ونزف قلمك
كل التحايا


الساعة الآن 07:40 PM

Powered by vBulletin .
جميع الحقوق محفوظة © لشبكة ومنتديات البراري 2010