|
مذكرات قصمنجي - 1 -
.
السلام عليكم ورحمة الله وبركا11ته ،،، << فواصل يالله مسى خير على الجميع .. هذا ياجماعة الربع والربعات كنت مرتن من المراريت داخلن للشات .. ويستلمونن حش وتقطيع انتم يالقصمان وانتم يالقصمان .. وغير تسذا طبعا الشباب الطيب برى الشات يستلمونن .. انتم يالقصمان وانتم يالقصمان والله وش ملحنا الله يخلينا لنا ولا يحرمنا منا وشكرا لنا لأننا ملأنا فراغ كل عاطل وعاطله يتحدثون بنا كيفما يشاؤون .. طبعا ً هذه المضايقات تأتيني انا وتأتي غيري وحتى صديقاتي الي في الأستراحه طاحو بالحش فيني ؛_؛ << يكسر الخاطر المهم اني مرتن من المراريت رحت لم وحده من صديقاتي وكنت متضايق اقولها وش الحل .. قامت هي الله يجزاها خير قالت انا اتصرف وتبحث الله يخليني لها ذخر لأني انا الي خليتها تبحث ولولا الله ثم انا ما بحثت اصلا11 .. وطلعت هالبحث +^+^+^+^+^+^- البحــث -^+^+^+^+^+^+^+^ يسعدلي مسا خششكم كل ابوهن امممممممم بصبح من هالصبحيات .. كنت بصدد الطسوس لجامعتي البهية. واختكم بالله كانت مضيعة شنطتها <==مقطعة الدراسة 0 المهم اني كنت احربش بهالغرفة وادور هالشنطة واخيتي يحول مغير تزاعق (( يالله قووووووووووه تأخرنا... من فضي شوارع هالرياض يوم انتس تتمططييين )) وانا ماغير احوس وادور رد عليها أخيي وهو يتثاوب (( انتي يا ام عليوي همااااااااااي قايلن لتس لا عمرتس تزاعقين بهالصبح .. تراتس بزعاقتس تعكرين مزاجي اليوم كله من جد)) وانا ما زلت أحوس وأدور عشان هالشنطة أعوذ بالله تقولون انشقت الأرض وابلعتها @@ ما درينا الا أميمتي تطلع علينا وتقول (( هااااااااااااو !!! مابعد طلعتوووووو؟؟ ياجعلكم للصلاح الحين متى بيمديكم توصلون اخوانكم؟ وانتي يا ام عليوي اشوف جايزتن لتس سالفة هالتأخير كل صبح . وانتي يا السوري بيمديتس تروحين لجامعتس البهية)) ياحبيل اميمتي معه علم ان جامعتي بهية بس اشوى الحمد الله،ربي فرجهاعلي ولقيت شنيطتي بالمطبخ <==ذابحها السنع المهم وصلت للجامعة على الخير<== بشري اميمتس ودخلت محاضرتي وقعدت بالكرسي الجديد الي حاطينه لنا..الي تسنه كرسي بيتزا هت..وقعدت اهوجس كالعادة بس هالمرة هاجسي غييييييييير .. قعدت افكر بهرجنا يا القصمان .. ووراهم الناس ماغير يتطنزون بوه يادافع البلى وجا على بالي هرج أهلي اليوم الصبح وذكرت اخيتي أم عليوي يوم انه تقولي .. قوووووووه وأخيي سليطين يوم انه يقولها..همااااااااي واميمتي يوم انه تهوشنا وتقول .. هاااااااااو بيني وبينكم عذرت هالخلق يوم انهم يتطنزون بنا أجل فيه شي باللغة العربية اسمه همااااااااي ؟ والا هااااااااو ؟؟ صدتز حنا نفشل بسم الله ما امداااااو هاجسي يقضي الا اسمع هالاستاذة تلعلع على بنية يحول وتقوله HOOOOOOOW انا تنحت تقولون مكبوبن علي مويتن باردة قلت وشلوووون هالاستاذة تصير قصمنجية @@ وتقول هاااااااااو ؟؟ يا سما لاتطيحين علينا بس بعدين فطنت انها قاعدة تقول هاااااااو بالعنجلش موهب هاااااو حقتنا انا اسفهليت .. وقلت اشوا هذي ماغدت قصمنجية .. والا تسان بوه هرجن ثاني بس وشلون هااااو حقتنا مثل حقتهم ؟؟ بديت ادحرج هالسالفة برويسي.. مرتن رايت ومرتن ليفت قلت الحين يا السوري موهب حنا نقول هاااو لا استغربنا من الشي؟؟ وهم بعد ما يقولون هاااو حقتهم الا لا بغو يسئلون عن الكيفية ولا استغربو من شي يعني هااااااو = HOW ولله محنب سهليين نجي لسليطين يوم انه يهوش ام عليوي ويقولها .. هماااااااي ماتحسون معي ان هماي = am I جربو انطقو الثنتين وشوفو وهماي = ضمير المتكلم القصمنجي am I = ضمير المتكلم حقهم لو انها مقلوبة والله اننا شييييي نجي عاد لام عليوي يوم انه تهوشن وتقول لي .. يا الله قوووووه قووووووه = go وكلهن معناهن واحد لا وأفعال بعد يعني فيربز ياعيني علينا صدتز صدتز عاد بديت اشك ان بريطانيا كانت مستعمرة من قبل القصيم ويقال وصحة القول للقائل <==بدت تصدق المهم يقال انه أقرب لهجة عربية للغة العربية الفصحى هي اللهجة القصمنجية بدليل أنه مافيه أحد يستخدم نون النسوة مثلهم فور اكسامبل <== قلنا لكم بدت تصدق المهم على سبيل المثال .. كولن ، أشربن ، أدرسن وطسّن ترى الحتسي القصمنجي موهب سهل يعني كشخة .. وموهب كل من هب ودب وبغا يحتك بالقصمان قدر وهذا ان دل على شي فهو يدل على مدى عراقة وأصالة الحتسي القصمنجي يعني باختصار آند ان بريف ROOTAGE = حتسي القصمان بعد كل هالحتسي يمديكم علينا ؟؟؟؟ |
يعني نفهم ان اقصمان اصل كلامهم انجليزي
والله طلعوا مهب سهلين |
ههههههههههههههههههههههههههههههه
روعه الله يسلمك ننتظر باقي المذكرات |
والله منت سهل يالقصيمي
مذكرات قمه نحتري الاجزاء الجايه |
عطنا اللي عندك كله
ياحبي لكم يالقصمان روعه اخوي |
تسلم أخوي على قصتك الرائعه والمثيره
جزاك الله خير وننتظر قصصك الجايه أخوك:بـ جراح ـو |
كم انت رائع ياالقصيمي على السرد الخيالي الممتاز
نتابع باقي المذكرات |
هههههههههههههههههههههه
ياحبيلكم ياجيرانا |
اضحك الله سنك
لكن اعتقد ان هالكلمات بدأت تختفي نوعا ما ولاتوجد الا في اماكن محدودة وعند كبار السن (مجرد رأي) |
خخخخخخخخخخخخخخخخخخخخخخخخخخخخخخخخخخ
رهييييييييييييييييييييييييييييييييييب |
| الساعة الآن 08:50 PM |
Powered by vBulletin .
جميع الحقوق محفوظة © لشبكة ومنتديات البراري 2010