إن كان ودك جيبك الربع ينجن
السلام عليكم ورحمة الله وبركاته هدية لكم يالغالين . . . آمل أن تنال على رضاكم وهي بمناسبة تركيب مكينة على سيارتي إن كان ودك جيبك الربــــــع يـنــجن ويصير عزمه مثـل عزم الوحوشـي ركب مكينة وأحرص تصيـــر Ls1 عند البطل عبـــدالحكيم البــــــلوشي وركب لها عامود خلــــــه يــــهيـجن وخله على باقي المواتر يهوشــــــي وترى السواقة كلها ذوق مـع فــــن خلك فطين ولا تصير مخروشــــــــي وأحفظ أورادك وأترك اللي يدنـــــدن وأبعد عن اللي ينكبون العفوشــــــي |
هههههههههههههههههههههههههه
ابو منصور اثرك تدل المصيف ماشاء الله عليك المعنى في بطن الشاعر |
وعليكم السلام ورحمة الله وبركاته
اول شي اقول ماشاء الله عليك أخوي أبومنصور وثاني شي اقول صح الله السانك على هالابداع واخيرا وليس اخيرا انا بإنتضار كل جديد لك |
هلا بالشيخ نهام هو فيه أحد مايعرف المهندس عبدالحكيم اللي بالمصيف ( هذي ثالث سيارة يرهمها لي ) حياك الله أخوي اتيكا . . . وصح لسانك يالغالي أسعدني مروركم يالغالين |
لا إله إلا الله
مشاء الله صح لسانك يالغالي مشاء الله وترنا ننتظر جديدك |
ماشاء تبارك الله
يالله وش رايك نقلبها قلطه بيني وبينك والصفوف عند اخوي نهام صح لسانك |
إن كان ودك جيبك الربــــــع يـنــجن
ويصير عزمه مثـل عزم الوحوشـي عشقت الجيوب اللي دوم يسرن لكن حسافه ياخوي نقصت قروشي قصيدة جميلة مشكووووووووووووووووور سلام |
ياراعي الجيب القديم المسنن × كم مرة نلقاه فوق الونـــوشـي
اشتر جديد من الوكاله مضمن× من مصنع اليابان ماهوب بوشي مشكور على القصيده |
الأخ : القصيم _ الرس . . . صح بدنك وأبشر بالجديد إن شاء الله . الأخ : راع الغرابه . . . صح بدنك . . . والله مانيب راعي قلطات ياغالي . الأخ : هادي . . . الجيب يفدى مواطيك لكن خله يطلع أبشرلك بجيب ٍ جديد مضًمن . . . ماشيف بالتلفاز ولا بالدشوشي الأخ : معدي المرقاب اللي يرهم موتـره غصب يشحن مثــــل الجنايز تـنحمل بالنعوشي وإلا الجديد لصاحبه غصب يذعن بداخله ريـــح الحطب و القفوشي |
بارك الله فيك اخي الكريم
وكم تنمنيت ان اجاريكم بالرد ولكن !!!!! لك كل شكر زتقدير |
الساعة الآن 01:54 AM |
Powered by vBulletin .
جميع الحقوق محفوظة © لشبكة ومنتديات البراري 2010