شبكة البراري

شبكة البراري (https://www.albrari.com/vb/index.php)
-   منتدى الحياة البيئة والفطرية والصيد (https://www.albrari.com/vb/forumdisplay.php?f=21)
-   -   الاتقان في ما جاء عن الضبان (https://www.albrari.com/vb/showthread.php?t=1108)

مضيع 2006-05-14 07:42 PM

الاتقان في ما جاء عن الضبان
 
أنتم عارفين ياشباب الايام ذي موسم صيد الضبان والعالم طايرتن بهن
فحبينا أننا نحستي عن هالموضوع من كل جوانبه
نعلمكم وشو الضب ؟؟؟
وين هو به يسكن ؟؟؟
عمره؟؟؟
بعض صفاته ؟؟؟
اعداءه؟؟؟
طريقة صيده ؟؟؟
أنا والضببة ؟؟؟
بسم الله نبدأ
الضب هذا حيوا يمشي على اربع
زي البعرصي ===>>> يبي يحوم ستبودهم
بس هو اكبر جسم من البعرصي وافتل عضلات وذيله اللي هي عكرته حرشى
ويقولون انه عضته شينه بالحيل
وتراو مهوب راعي سرعة
بس انه اقشر بالحسل خاصتن لامنه استهاج
=================
الضب يسكن في أعماق البحار والمحيطات ===>>> والله من الكلك أكره مايشوف هن
تلقونوه بالصمان وبهالبران
يحب القبو بالحيل يعني مهنا حوشة ولا أدوار ولايحزنون
بس قبو وسطح
القبو اللي هو الحفرة اللي ينام به والسطح هي الحصاة اللي يرتز فوقه دايم
===========================
يقولون طبعا وانا والله اشك بهاالمقولة
يقولون ان عمر الضب ياصل 300 سنة
==========================
من صفات الضب
أنه يتصف بالغباء والدلاخة ولايعرف يتصرف زين بعد
ولامنه ابعد عن بيته اللي هو الجحر ضيع
ويتصف بالعقوق ايضا
وقد اشتهر هذا المثا عند العوام ( أعق من ضب )
وانه اقشر بالحيل
وتراو يحب يتشمس بالحيل تلقاو بالقايلة منبطح فوق هالحصاة ومكيف اخر كيافه
======================
أشهر أعداء الضب الورل والخنفسانة

=======================

طريقة صيده
الضب لامنه شاف الواحد اما انه يطلق ساقيه للريح وكذا مهنا اسهل من صيدته بس لخه بالزبيرية لخة خله يقلب

كمن قلبه همن تله مع الرقبة وجوده زين
اما لامنه دخل جحره فلازم يكون معك عتلة وعفريته ( عشان اذا كان حدر حصاة ترفعه بالعفريته )
أما طريقة المياهه فذي مادخلت مزاجي
وانتبه لامنك دخلت يدك بجحره ترى غالبا مايكون عنده عقرب
=========================
أما عاد سالفتي مع الضببة سالفة
روحوا لم الصمان ولاقبة ولارماح ولاأي مكان به ضببه
ولامن الضب هج ودخل جحره لاتسوي له شي بس وز بجحره وقله ترى أبجيب لك مضيع على طول يطلع لك

مكلبشن روحه ورافعن يدينه مستسلم
ويقولك سم آمر بس كلش ولا مضيع

هاوي بر 2006-05-14 08:11 PM

ما شاء الله كل ذا المعلومات عندك


الله يعطيك العافيه مشكور وما قصرت


حياك الله في منتدى البراري

منصور المناع 2006-05-15 06:07 AM

معلومات مفيدة وقيمه

ولكن يجب المحافظه على التوازن البيئي

وعدم الإكثار من الصيد الجائر

وخذ منه قدر حاجتك فقط

وعدم التركيز على منطقه معينه وإعدم كل من كان موجود بها

بل يجب ترك باقيا من أجل الإكثار والتزاوج

ضاحي 2006-05-15 06:29 AM

يعطيك العافية

ومشكوووووووووووووووووووووور

عبدالهادي المفرج التميمي 2006-05-15 08:32 AM

موضووع مفيد وزين ولكن فيه معلومة ما فهمتها

(( بس انه اقشر بالحسل خاصتن لامنه استهاج ))
وش معنى بالحسل ؟؟

مشكوووووووووور



سلام

الشيخ 2006-05-15 09:22 AM

ذكرني العنوان كتب اتاريخ القديمة

معلومات مفيدة وتعطي الشخص زيادة في المعلومات والثقافه


اخوك الشيخ

nahham 2006-05-26 08:04 AM

اخوي

والله ياجي جيت مسرع حسبته من كتب الاوائل

لكن الحمد لله صار موضوع مفيد

تسلم


الساعة الآن 03:37 PM

Powered by vBulletin .
جميع الحقوق محفوظة © لشبكة ومنتديات البراري 2010