سنام المراجل
الحمد والشكر للرحمن باولها
والثانيه فرحة الليله من اعماقي نعمه من الله علي ماشي يعدلها معها نسيت الهموم وزانت اخلاقي الدين والامن والصحه وكملها ثنتين ولدن عصر من خيرة نياقي بالمختصر فرحتي ذالليل ماجملها فوق الثلاث النعم والذود وش باقي الاولات اكثر العالم تجاهلها والرابعه ماتناسب كل الاذواقي احدن جهلها واحد هون وبدلها حول بعد كان لبروج الفخر راقي واحدن عشقها وجملته وجملها سيطر غلاها على حسه والاشواقي هذا له البيض تنشر في محافلها ويتوق له هاجس الشاعر وينساقي البل سنام المراجل ماهي اسفلها اجلال الاموال واللي غيرها دقاقي خطو الولد لانوى بالعزم حصلها ماهوب خبلن قضاء عمره بالاسواقي وختامها مثل ماقلناه باولها الحمد والشكر لله والله الباقي |
ياسلام ياسلام ياصقر
وافيه من اولها لتاليها صح لسانك جزله من جزل إستمتعت بها بيض الله وجهك ، ونتشرف بتواصلك معنا في القسم تحيتي |
هلابك اخي محمد
صح بدنك وجهك ابيض والله لايهينك على المرور الجميل |
صح لسانك أخينا المبدع صقر الأيسري
رآئعه وجزله ... حفظك الله وأسعدك في الدارين ... رذاذ |
هلابك أخيى وتشرفت بمرورك وصح بدنك
|
نحمد الله على الدين والأمن والصحة ، والرابعة فرحة الشاعر في بكاره .. نعمه من الله
مبروك ياصقر .. صح لسانك ياراع البل .. تحيتي |
هلابك ياعانم وتشرفت بمرورك الجميل
وصح بدنك |
الساعة الآن 02:22 PM |
Powered by vBulletin .
جميع الحقوق محفوظة © لشبكة ومنتديات البراري 2010