|
ولد مبلش رفيع الشان
ألا يامحمد ولد مبلش رفيع الشان تحية من أعماقي هجوسي مرتبها ألا يامحمد صيتكم بالملا مزدان يعمّ الحضر والبدو بالحيل سالبها مكارم يمينك تروي الظامي العطشان تهدي دموعه فوق خديه ساكبها بك الطيب يامحمد بك الجود والإحسان جميع الوصايف قدها أنت كاسبها كريم ٍشهد لك قاصي الناس والخلان ضيوفك من أفضالك مدسم شواربها شجاعٍ وهيبك مثل هيبة ملوك الجان تروع نفوسٍ غايرة أنت غالبها سهوم المنايا لابتك لابة الشجعان جميع المعارك لو جرت ماتهيبها مفوه حكيم الرآي تصهل صهيل حصان رجولتك يامحمد من الصغر شاربها سهوم المنايا لابتك لابة الشجعان جميع المعارك لو جرت ما تهيبها بك الدين في قلبك نبع منه صدق إيمان وبرك بوالديك نفسك مدربها لجارك تودّ الخير له مابكم حقران ووصلك مع الأرحام تسعى تقربها في ساحة مكارمكم بها الزهر والغدران جميع الملا عندك تنوخ ركايبها مزاياكم اللي نادرة مابها نقصان مدامك سلكت ادروب مبلش معزبها حكيمٍ تحل الكايده فكركم بطران ولاهي تعنيكم تفرق نشايبها ملكتم نوادر نادرة من نسل حوران حافظتوا عليها وانت ياشيخ صاحبها أخذت العلوم الطيبة من كريم انسان كريم المراجل مبلش اللي وفيّ إبها عسى الله يجعل مبلش ابعاليات جنان ويسعد مع محمد وحورٍ يحوز إبها معك ذود وضحٍ لو تباري هلّ الذيدان بلا شك جائزة مؤسس تفوز إبها |
اخي واستاذي الشاعر المتمكن عبد المحسن
قصيده جزله وقويه في معانيها ... صح الله لسانك على هكذا قصيد ... تقبل استاذي مروري مع خالص الود والاحترام لشخصك الكريم |
صح لسانك اخوي عبدالمحسن قصيده جزله وراقت لي كثيرا ولا تحرمنا من جديدك
|
يعجبني الشاعر الذي له في كل ساحةٍ باحة .
شاعر الحدث .. صح الله لسانك يابو مالك تحيتي |
صح لسانك يابو مالك شاعر جزل والطيب يستاهل المدح
|
صح لسانك شاعرنا القدير
عبدالمحسن العمر على هذه القصيده الجزله والجميله جداً ... شاكرين لك حضورك الدآئم ومشاركاتك الجميله .. دُمت بألف خير رذاذ |
صَححْ لساانك ْشااعرْنا عبد المحسن العمر ابياات جزله وجميلة يعطيكْ العاافية - |
عايد ياهلا فيك مليون صح ابدنك كل الشكر لك على الرد والمرور
|
راع العرض ياهلا بشاعرنا القدير مرورك بحد ذاته فخر لي وصح الله ابدنك
|
غانم الضومري شاعرنا المميز ياهلا والله فيك صح ابدنك
|
| الساعة الآن 06:53 AM |
Powered by vBulletin .
جميع الحقوق محفوظة © لشبكة ومنتديات البراري 2010