|
وش هقوتك باللي سرى تالي الليل.......؟
وش هقوتك باللي سرى تالي الليل مـتـنـحـرٍ درب الـمـهــالـك لـحـالـــه يـوم انهـا كـثـرة عـليه الـغـرابـيـــل والصدر ضاق وخـبـث الوقـت بالـه وضاقـت به الدنيا ولاعـاد به حـيـل وزاد الحـزن والـقـلب زاد اعـتـلالـه حمل فـراشه والعـزب والـمـعـامـيـل واركى عـلى جـيـبٍ يسابـق ظـلالـه يـبـي ديارٍ أمس قـالـوا بهـا ســيـــل يـبـي نـفـودٍ حـاير الماء بـجــالـــــه يـبـي يتعـلى عـله يشاهـد سـهــيـــل يـبـي يـنـادم كـل نـجــم بــدالـــــــــه يـبـي يشب بيابـسـات الـغــرامـيـــل في راس طـعـسٍ يتعـب اللي رقالـه يـبـي يـبهـر دلـتـه باخـضـر الهـيــل يـبـي يـفـوح فـوق الارطـى دلالــــه يـبـي يغـني باللــحـن والـمــواويـــل يـبـي يـبـدد بالـصـحـاري هــبــالـــه وإلى صفى راسه بدا بالـتـهـالــيـــل وسبح بحمـد الله وخـلى الـجـهـالــه ولاحـدٍ معه يـفـك الاطـناب ويـشـيـل ولاحـدٍ يـزود بالـرحــيـل انـفـعــالــه لطـاب شفـه من هـوى البر بالحـيـل يرحـل عـلى كـيـفـه مـتى ماطـرالــه ياكـثـر مانـبـغـى ولامـن محـاصـيــل مـاكـل مـن يـبـغى لـشـيٍ يـنـالــــــــه هــذي أمـانـي والامـانـي تـعــالــيــل تـسـلـى بها نـفـسٍ تـعـثر مـنــالــــه احمد بن عبدالرحمن العريفي (نديم المجره) |
مشكور وبارك الله فيك على عذوبة شعرك ونقاء كلماتك الجميلة والرائعه واسجل اعجابي بك شاعرنا المحبوب ولا خلا ولا عدم يـبـي ديارٍ أمس قـالـوا بهـا ســيـــل يـبـي نـفـودٍ حـاير الماء بـجــالـــــه جميلة جداً هذه الروائع والدرر. صح لسانك ورفع الله شانك.. ابو حمد،، |
مكانك في علو المجره و انت و الله شاعر على اسمك
يا حلو البر و هل البر صح لسانك على هالوصف اللي يحرك الأشجان عسى الله يجيب الشتاء و المطــــــــر لا هنت يا الغالي,,,,,,,,,,,,,,,,,,,,,,,,,,,,,,,,,,, |
يعطيك الف عافيه على القصيده الرائعه
|
|
آلله آلله قصيده رآئعهَ صحَ لسآن شآعرهآ ولآهنتَ على آلآنتقآء آلطيب آلف شكرِ لكَ |
اقتباس:
ابوحمد اسعدني موضوع (روائع نديم المجره) الله يسعدك في الدنيا والآخره شاكر ومقدر اهتمامك وآمل ان اكون عند حسن ظنك دامت لك المسرات تحياتي |
تسلم ياغالي قصيده رائعه
|
صح لسانك بارك الله فيك |
نديم المجرة . موفق ان شاء الله
كلمات جزله تدل على شاعر قوي يعطيك العافية والى الامام |
| الساعة الآن 08:59 AM |
Powered by vBulletin .
جميع الحقوق محفوظة © لشبكة ومنتديات البراري 2010