مـصــافـحـتـــي الأولـــى بـعــنوان : { مــعـــطـــى ومـحــرومـ }
 

[align=CENTER][table1="width:70%;background-color:indigo;"][cell="filter:;"][align=center]

السلام عليكم ورحمة الله وبركاته ... وبعد

يشرفني ويسعدني بأن أنظم إلى هذه الكوكبه الرائعه من المبدعين

وقد أتيتكم معلناً أخوتي لكم بدعوه من الأخ العزيز : أبو عبدالله

وألتمس منكم العذر على تأخري بالدخول لمصافحت ذائقتكم

الراقيه وذلك لظروف أجبرتني على هذا التأخير .

أتمنى أن أقدم كل ما هو راقي ومفيد للجميع ... إليكم القصيده وأنتم الحكم .

[/align][/cell][/table1][/align]



[align=CENTER][table1="width:70%;background-color:black;border:4px groove deeppink;"][cell="filter:;"][align=center]

عايش وما كني من الوقت مهموم

أضحك وأداري دمعتي لا تبيني

وليا خنقتني عبرتي بأوسط القوم

أهمس لها تكفيييين لا تفضحيني

يكفي كذا يا عبرتي منك بهجوم

أنا بجاه الله عنك يحتميني

اللي على درب الهدى ساير(ن) دوم

يرجي رضا الله ثم رضا الوالديني

وراع الحسد والحقد وإبليس مرجوم

واللي عوين إبليس مثله لعيني

أعيش عمري بين صدقان وخصوم

أحد(ن) يبي فرقاي وأحد(ن) يبيني

يالله يا منشي هماليل وغيوم

يا مِنزل(ن) غيثك على الممحليني

يا مزين(ن) ليل السماوات بنجوم

أستغفرك يارب وأرفع يديني

إنك تجنبنا هل الشك واللوم

اللي لغرًّات البشر جاهزيني

وتجعل لنا حظ(ن) عن الذنب معصوم

أنت الذي في كل شي(ن) عويني

يارب أنا في عونتك عبد ملزوم

ماحد(ن) يعرف إلا أنت زيني وشيني

كل البشر ما بين معطى ومحروم

ويا عل ما حنا من الخاسريني

ماحد(ن) محصل شي ما هو بمقسوم

هذي تجارب ماضيات السنيني

الـشـــاعــر :

سـلــطـــان خـلـــف الـرويــلـــي
.

[/align][/cell][/table1][/align]

ياسلام عليك رائعه لامسة شعوري
صح السانك وعلشان ودي واحترامي لك
تستاهل النجوم

صح السانك يابوخالد
ولاهنت يالذيب
وبانتظار المزيد منالقصايد

صح لسانك ياسلطان
ومرحبا بك في محلك
والأولى طمعتنا بالثانية
واصل إبداعك
ولاهنت