كفرات سيارتك ؟
 

00

0

مرحبا شباب

ماابي اطول عليكم الحين احنا في رمضان وفرحانين حيل بتمديد الاجازة ومقبلين على طلعات البر والليل ولا احلى في نجد الله يتمم فرحتنا بنزول الامطار .............. قولو امين

موضوعنا هذا الله يسلمكم عن كفرات سيارتك يعني نبي نعرف النوع والمقاس وتجربتك فيه في البر والاسفلت والرمل والحجر

الله الله بالمعلومات المفيده وخلونا نستفيد ويستفيد كل زائر لمنتدانا الحبيب

رجاء ذكر المعلومات التاليه :

نوع السياره

مقاس الجنط

مقاس الكفر

ماركة الكفر

مكان الصناعه

نوع الكفر

المقاس الاصلي للكفر حسب الكاتلوج

هل تأثرت السياره بتكبير او تعريض او تصغير الكفر

وياليت صور لو توفرت

شاكرا لكم المشاركة مسبقا

تنبيه : ياليت المشرفين هنا يثبتون الموضوع للاهميه

شكرا لكم

.

..

نوع السياره هايلكس

مقاس الجنط 15

مقاس الكفر 255

ماركة الكفر تويو

مكان الصناعه الظاهر اليابان

نوع الكفر ما فهمت قصدك

لكن واجهتني مشكلة يحك في عمود الوتزن اذا لفيت ويجي له صرصره لكن ارتفع الموتر

شكرا ابو هشام

اعتقد نوع الكفر المقصود

نايلون او حجري او راديال

اظن كذا

سيارتي باثفيندر 94
الجنط 15
والكفرات 245/70/15
نوعها راديال
الكفرات ماركة ماكسز
صناعة كوريه من اصل الماني

مره ركبت عراض مره واتعبتني وثقلت قومة المتر وصار الدركسون ثقيل

ومره ركبيت هنكوك وانا جاي من الدمام انفجر كفر والحمد لله سلمنا

يقولون هنكوك ما ينفع ابد اذا نقص هواه

شكرا

موضوع جميل ومفيد اتمنى مشاركة الجميع

نوع السيارة باثفيندر ..!!


الكفرات برجستون ..

المقاس .. 245

الارتفاع.. 65

الجنط 16

https://www.4zz.net/show.php?pic=57808


وهذي هي وكفرين منبشرة !!

ههههههههههههههههههههههههههههههههه

اما كفرين مبنشره تبي لها جلسه

موتري جيب شااااص >>>>>> كذاب درجه اولى

قصدي شروكي

كفارتي نايلون جنط 16 كروم شد بلد مقاس 255 غاط 8 نوعهن توتو بس عذروبهن ثقيلات على الموتر شوي

ولكن في الرمل ما اعرف الدبل ابد

مشكووووووووووووووووووور



سلام

روعه يانهام الله يعافيك
ليت الشباب يواصلون ويقولون احسن كفرات ركبوها

نوع السيارة لاندكروزر



الكفرات دنلوب بالون


المقاس 900


الصناعة اندنوسي


جنط 16


وهذي هي احسن كفرات ركبتها بالجيب اريح ومافيها بطناج ولا قرقعه وترفع الموتر

موضوع مهم اخوي نهام .

بالنسبه لي جربت مع الباثفندر كذا نوع من الكفرات و خذ النتائج .

اولاَ كفرات الوكالة :

الكفرات برجستون ..

العرض 245

الارتفاع.. 65
الجنط 17 .

الكفر قاسي على السيارة و يعتبر جيد جداَ ينفع لكل شي الا الرمل
عيبه الوحيد الرمل ما يصلح ابد .


النوع الثاني دنلوب .

العرض 265
الاَرتفاع 65
الجنط 17 .

يعتبر افضل من البريجستون لأنه يمشي في الرمل افضل . هذا الكفر رغم انه مساوي لكفرات الوكاله من حيث رقم الإرتفاع إلا انه على الواقع ارفع بكثير مما ساعد على رفع السياره .


النوع الثالث فايرستون ياباني .

العرض 275
الإرتفاع 65
الجنط 17

ممتاز للتغاريز و الرمل ماشاء الله . ويرفع السياره .

عيبه الكبير ما ينفع للحصى ابد و على طول يتشقق الكفر لأنه لين و عريض و بهذلني هذا الموسم في الصيد مما اضطرني لتغيير الجنط و النوع لكفرات بريجستون قاسيه .



كفرات الرمل افضلها في الشتاء لأنه تكثر الرحلات الى المناطق الرمليه مثل الدهناء .

اما وقت الصيف و الصيد فأغلب الرحلات في الشعبان .


هذا و الله أعلم ..

و الشكر موصول لك اخوي نهام على هذا الموضوع المهم و المتميز ..

السلام عليكم

نوع السياره : نيسان باترول

نوع الكفر : بيرجستون

مقاس الكفر : 17 - العرض 275 -الطول 65

وهاذي النوعيهخ جدا تعبانه بصراحه

يابسه فالرمل ومطبها قاسي كنت اتمنى الدنلوب الـ17 لكن سعرها انهبل وصل الى 580 للكفر الواحد !!!

ويازين البالون بس
___________________________________________


أخوي الوسمي

اخوي انت معجب فالدنلوب الاندونيسي

اجل لو تركب السيموتومو الياباني وش بتقول

والله ياهي كفرات روووووووووووووووووعه

اولا خفيفه اخف من الاندونيسي

واكثر تحمل وفالرجه افضل من الاندونيسي


وشكرا

أخوك / حاتم

موضوعكم ذو شجون الله يخليكم
اخوي حاتم انا جربت سومو تومو اللي تقول عنها بصراحة تخلي الشاص لكسز خخخخخخخخخخخ بدون مبالغه يعني ما تحص باي بطناج او مطب
لكن لو تحط الضغط 50 وتشوف الكفر تقول منسم
وهذا اللي خوفني فيها وما كملت في سيارتي اكثر من يومين ورجعتها وركبت ماكزز بدالها
ياخوك خفت عليها من الحجر قلت بتنفجر في اقرب شعيب
شكرا لكم

نوع السياره

جمس 8100 م 2005
مقاس الجنط

16
مقاس الكفر

بالون 900

ماركة الكفر

ماكسيس

مكان الصناعه

والله مدري
نوع الكفر

بالون

المقاس الاصلي للكفر حسب الكاتلوج

265/60

هل تأثرت السياره بتكبير او تعريض او تصغير الكفر

طلع شكل الموتر تمام ورفعت السيارة والحمدلله مافيه اي تاثير

ومشكور اخوي الغالي ابو هشام عالموضوع الرائع ولاهنت

ياجعلكم تسلمون والله ياموضوعكم هذا مرجع لكل عضو او زاير

اخوي متعب السوموتيمو الياباني غلطان كانك غيرته

انا كان نص عمر ومع ذلك معبيه 50 وكنت اقص الصمان بدرب وبدون درب والحجر

تضررت وتجرحت بس ماتشققت ابد الا الان وكل شوي متسلفها واحد مني والى الان عايشه

ومن بدايه رمضان خذها مني واحد طب شعيب وانشق واحد بس

مع انها مسحقه وتاريخا 2003


وشكرا

مشكورين شباب على الردود الاكثر من رائعه

ونامل من الباقين المشاركه وياليت تركزون شوي على التاثير اللي لاحظتو بعد تغيير الكفران في الرمل او الحجر او الطريق السريع

اخوي حاتم ولا عليك امر ياليت توضح لنا كيف نعرف تاريخ الصنع

الله يعافيكم جميعا

تاريخ الصنع

يعرف عن طريق ختم على جمب الكفر

يبين فيه تاريخ سنه الصنع واسبوع الصنع

مثل الصوره

https://www.q8boy.com/uploads/10f5b59ac5.gif




واتمنى اني أفدتكم

وشكرا

أخوكم / حاتم

موضوع بالغ الاهمية والله يفيد الكل
بارك الله فيكم

موضوع مفيد انا قاعد اتابعه لكن نبي زود مشاركات لا هنتو

والله يا حاتم

دورت سوموتومو لعام وماحصلت

ولقيت يوكوهاما بس سعرها غالي

وقالو الدنلوب ما يجي الا اندنوسي

بس ممتازه وما فيها رجه ولا شي

وشكل الجيب فيه روووووعة

نوع السياره هايلكس

مقاس الجنط 15

مقاس الكفر 225

ماركة الكفر سمو تومو

مكان الصناعه اليابان يقولونه ههه

نوع الكفر تماتيك هههه بدري والله بس اظنه بالون اسمع بها


اذكر ربك يا هادي شايفك مغرز في سكه خخخخخخخخخخخخخخ

السوميتومو

قليل تلقاها

وخاصه الياباني منها


والدنلوب الاندونيسي

لا بأس فيه

لكن ودي اصحح معلومه

ما فيه بالون مايرج ابدا

لكن لبوالين اذا كانت جديده

ماترج واذا كان الترصيص ممتاز ماترج

لكن مسأله وقت وتجيك الرجه


هاذا والله اعلم


وشكرا

أخوكم / حاتم

ودي اصحح معلومه

البوالين بعضها مايرج الااذا كان الكفر بارد مثل الصباح شوي يحمى الكفر ويزين

حسب تجربتي في البالون 900/15 و900/16

الدنلوب الياباني والانونيسي مايرج الابارد
السومتومو مايرج ولايجي الانوع واحد الي هوالياباني
اليوكوهاما ماترج بس الثقال خصه 8 غاط
فايرستون حليله وماترج
البرجستون اندونيسي مثله مثل اليوكوهاما


الكوري كله يرج كومهو هنكوك مارشال

الصيني دمار من يوم ينقص هواء الكفر حبل ارمه

السيام فيها رجه خفيفه بس انه ثقال نوعن ما بسنه تأخذ اطول مده في البوالين تايلندي

المكسيس تايواني كله فيه رجه خفيفه 6غاط 8غاط بس انه حليل على حد السيام والياباني
الهيرو يقولون نفس السيام وانا ماجربته اما الباقيات من واقع تجربه على جيوب و جموس
هذا ماعندي عن البوالين

ياسلام عليك يالساجي معلومات مفصله ودقيقه
الله يعطيك العافيه

وراكم شلتو عنه التثبيت
كان احسن موضوع هنا وانا سجلت على شانه
جاكم ماجا مكشات

خابر هالموضوع مثبت وراه طاح
مسكين اللي ماله واسطه

افاااااااااااااااااااااااااااااااااااااااااااااااا ااااااااااااا
عاداكم مكشات

قترح على الاداره نقل الموضوع الى ادوات الرحلات اذا المشرف هنا ما يبيه

موضوع قمه من جد
مشكورين

اتمنى من المشرف اادة تثبيته لاهمية الموضوع ولوقف كلام البعض
من الاصل لم يكن انها التثبيت موفقا

شكرا على ما قدمتوا لنا من فوائد ومن معلومات

ربي يعافيكم

يو لسيارتي شيروكي
ناوي اشتري
شرايكم في توبو راديال ؟؟؟؟

موضوع صح

السلام عليكم


أخوي الساجي

البوالين سالفته سالفه

انا عندي سوميتمومو وياباني ومع الوقت بدأت ترج

وللعلم

الدنلوب والسيموتومو اخوان

وكلها تجي ياباني واندونيسي


لكن الياباني منها

الان نادر تحصله

ووكيل سوميتومو فالمملكه

الموجود اصلا فالشرقيه

واسمه خاتم الخاتم



وشكرا

أخوكم / حاتم

وتم تثبيت الموضوع

لأهميته وعلى طلب الاخوان الاعضاء الكرام

وشكرا

أخوكم / حاتم

اخوي غريب الدار
سمعت ناس يمدحون التويو في الرمل لكن يقلون ان جنب الكفر ضعيف وما يتحمل الحجر واو الشوك
يمكن احد يقدر يجيبك احسن مني

مرحبا
هنا في قطر كل التواير بالون او تويو او سوميتومو
نهتم بالتواير الرمليه ماكو حجر كله رمل

مشكورين

هلا
اشوف واحد من الشباب مركب على سيارته سوزوكي كفرات سوموتومو ويمدحها
انا معجب بكفرات ماكزز
وش رايكم ؟؟؟؟؟؟؟؟؟؟