حتى حـلـيـب امــه طـراشي مـا يـنـفـع ولــو يـصـفــونه قالوا السـبب فيه الاحباشي تركوها في الشبك مسجونه :ordh: |
سلام من خاطرن مسرور
يوزع الطيب وزهوره لأصحابي اللي هنا بالدور ترحيب له شان بحضوره شطر |
يامرحبا واقبل معاك النور والمنتدى زاد،، في نوره حضرت وصفق لك الجمهور ياشطر بناخذ معاك صوره البارق الغربي |
اهلاً بحزة صفا وحبور
بمقدم اللي نبي حضوره شاعر لدينا وهو مخبور قريحته. تفوح. بعطوره |
انا اشهد ان خاطري مكسور والحال عن الناس مستوره احدن يداعب بنات الحور وحدن عجوزه لها ثوره امقسمه قسمه الماجــور بمـره تجـيلـه ومامــوره سحاب شقراء |
من شـافك يقول ذا مذعور الـمــوت جــاه وبـدا دوره يـا صـاحبي لا تـلف ودور الروح ما تصيبها الخوره روحك شباب وتشع النور والقلب أبيض من النوره |
لو التمني يجي بحظور كان اتمنا يجي حظوره سحاب شقراء يبيله دور ودنياه ترجع له بدوره |
عيش بحـياتك وطيع الشور والـنفـس قـنعـه ومسـروره ومن لا ضبط نفسه ومطيور مـصــيره يـــبـان مـخــبوره |
شفني كتاب لكم منشور اقره وبتشوف منشوره مثل الصحاري تجيه دهور ولا امطرت غنت طيوره |
بعض المطر في الصحاري البور يزيدها ...... قفر ..... وخطوره مثل الزمن .. يكشف .. المستور والله ... يحفظنا ..... من جوره |
سحاب شقراء ... وأبو سيرين
رآئع أبدعتما ،، |
يابوسرين وين موالك خلينا نااخذ معاك مشوار ياجعل دوم السعد فالك عجل علينا وشب النار البارق الغربي |
مـوجـود دامي على بالك وتمـرنا في حـنايـا الـدار بنشدك عن كيف احوالك عساك طيب وش الأخبار :ordh: |
يا بارق اسلك مع السالك ........... ........... واضبط بـيـوتك ولا تحتار الـلـيـل في ظـلمـته حـالك ........... ........... والوقت ما يسعف الشعار :ordh: |
اسف على التااخير يابوسرين بعد العصر جاني ضيف ولا مشى الى العشاء طيب يامن طابت افعالك والحمدالله الواحد القهار دايم عسى الخير قدامك ومشكور ياصاحب الاشعار البارق الغربي |
دستور يا اصحابنا الغالين
ليل الشتاء دوم يحلا لي من يمسك القاف ياحلوين ويوصله قمة العالي شطر |
مابين قلبين دمعة عين
ساحت وطاحت بآمالي ﻻيازمان الفراق الشين وش لون أثرت في حالي شطر |
اقتباس:
يــوم الـضــيـوف اتـعـنـالك ✨✨✨ ✨✨✨ وتـجـيـك واطــق بـاب الدار مـا تـذبح الـشــاه وامـثـالك ✨✨✨ ✨✨✨ تعرف علوم العرب الاحرار :ordh: |
اقتباس:
راعي الهوا دايمآ مسكين حياته هم ن ، وغربالي تلقى دموعه على الخدين وكل السبب لابس الشالي البارق الغربي اقتباس:
شكرآ على طيب اقوالك ياطيب القول والاذكار منهو بغاك من العرب جالك ماهمه البعد والاسفار البارق الغربي |
ياغصن الاشواق ماشفته؟؟
بالله ماداعب أوراقك!! طير ليا رف بأجنحته يرفرف العشق بأعماقك شطر |
https://cdn.top4top.co/i_fb2746392b1.jpg شطر و رذاذ و ابوسيرين جينا نبارك لحضرتكم مبروك الترقية والتعيين تستاهلو والطيب عادتكم البارق الغربي :ordh: |
اقتباس:
إنته علينا من الغاليـن التهنئه صدق فرحتكم يا بارقٍ لاح وسط العين والله أسعد بشوفتكم :ordh: رذاذ |
يا بارق الغرب والنعمين خـلاص وصلت رسالتكم الله يبـارك ومـن هالحين لازم تـضــــبـط عـلاقتكم :ordh: |
اقتباس:
اقتباس:
اصبحتم اليوم مسؤولين مانقدر نكلم سعادتكم لاكن حنو على المسكين اللي حظر يم ديرتكم البارق الغربي |
ضاق الفضا بالحزين اللي مسكين مااحد سمع شكواه طول وقته ودموعه اتهلي على غزال ن ، ترك مرباه البارق الغربي |
لا تـشـتـكي لـي .. ولا تـقـلّي يكفيني مـا فـيني مــن بـلـواه وامـا الـسـبب كـان مـن خلّي ما كنت أصدق في يوم أنساه :ordh: |
العقل من بعده ، اختلي والجسم مدري وش اللي جاه اصبحت ملخبط انا كلي من بعد عنا الفراق انحاه البارق الغربي :ordh: |
لازم يشــفـوا لـنـا حلّي الحـب في قلوبنا سكناه ماني عن الحب متخلّي أحـبها والعقل قـد تـــاه |
لاصار متكبر ومتغلي واقفى عنك يجر اخطاه يابوسيرين خله ايولي يستاهل بعد الذي سواه البارق الغربي |
جـمـالـهـا ،، فوق ،، متعلّي فــراقـهــا صـعـب مـا أقـواه خلني على حالي ،، احسلّي هي تملك القـلب هي سلواه :ordh: |
لاصارعنه ماانت متخلي وتقول ما فالبشر حلياه ختامها المسك والفلي مادام لقيت الذي تبغاه البارق الغربي |
شكرآ ابوسيرن ابدااااااع وماقصرت طال عمرك ،،،، اصحابنا اللي لهم مده غايبين عن واحة الكسرات مايجونا بهجمات مرتده من بعد طالت الغيبات البارق الغربي |
ذا البارق.... الغربي من قده
شاعر وفي الطقس له صولات ليوم... الثلوث... جهز العده مع زيد وحروف خذها وهات |
يامرحبا باللي وصل رده صايغ حروفه على ابيات ويطالب بحزامنا انشده لامنا الحالة علينا جات البارق الغربي |
يابارقن لاح وسط الغيم
في ليلة جوها ديمه اراقبه والهجوس تقيم وتزود الليل تعتيمه شطر |
لـو خفضوا سـعـر الأراضي شرينا مسكين ياللي ما حسب سود الايام وإن مـا حـصل تخفيض للمسلمينا فـاحـمـدك يـا ربي على كـل الأنعام |
ماعاد فيها فكرنا في يدينا
فكر وتسكن دون حدِ ومرسام وارفع يدينك للكريم المعينا الى عطا ما تمنعه كل الانام |
في عهد ابو محمد .. ندي اليدينا محدن يعيش بحال مزري ومنظام المشكلة هالناس .... ما تستعينا بالصبر .. وتخش الدراهم للاحلام :ordh: |
سلام الله عليكم يالـ (البراري)
سلامٍ من صدوق الود جاري مع اجلالي وتقديري وشوقي لكم يا احباب قلبي واعتذاري تفرق شملنا الدنيا الدنيه وتبقى في ضمايرنا مواري جميل الذكريات اللي مضت لي تعاود مع جميلات الطواري لكم فالقلب حب ومقدرية على رغم البعاد الاظطراري وانا بعد اذنكم با انده لغانم ولا يهونون رواد (البراري) الا يالضومري بالله وينك سقى الله يومك تغني واجاري والا يا راع شقرا كيف حالك ترى لك وحشةٍ كان انت داري |
هــلا بـاللي لـه أوقـات ومواري عـبـور مسـافـر معــدي وساري كـأنـك طـير مـع سـرب ومهاجر تـمـر الـمـمـلكه عـبر الصحاري تـغـيـب شـهـور مـا شفتك تسلم ولا لاصـحـابـك مـثـمـن وشاري يـا لـيـتـك مـثـل صـاحبنا تميمي يـصـبـحـنـا على صوت البواري يقول الحمض فاضي والسوالف معي لكن طــلـع عـلـمه تجــاري وغـانـم صاحبي اللي مـا سمعنا له أخـبار ن ولا صوت وقراري يـقـول انـه يصيد وفي المواسم مـعـه بـنـدق مخصص للحباري وباول مـوسـم بـوسـط البراري تـعـشـوه الـــذيـابـه والضواري |
الساعة الآن 03:49 AM |
Powered by vBulletin .
جميع الحقوق محفوظة © لشبكة ومنتديات البراري 2010